"Namjabegipa Ia Chasong" Read Count : 50

Category : Poems

Sub Category : N/A
Chasongan Namjajok! 
Manden gisik dingtangjok. 
Dongjajok Manden Gisiko
Tomtomanin Ia A.gilsako.

Chasongan dingtangjok
Mande jat an Namjajok. 
Kasanian dongjajok
Manden gisik Skal jok. 

Dongjajok kusinin Ia A.gilsako, 
Sosojengjengsajok Manden Gisiko. 
Namgijanian gapaijok Ia chasongo
Ong'e Marangarin Manden Gisiko. 

Kasanian dongjajok Ia chasongo
Mikbokanin gape Manden Gisiko. 
Cha.u, dakait dake so.otanin, 
Gapaijok Ia Chasongo

Silroroanian dongjajok Ia chasongo, 
Mikbuanin gape Manden Gisiko. 
Man.genoba janggi tangna nambata biapo
Mikbuaia Mandeskaan Ia Chasongo. 

Dongjajok kusinian Ia a.gilsako, 
Batengjok namgijanian Ia Chasongo. 
Kenchipchipna nanganiba, 
Bataijok Mandeskanan Ia Chasongo. 

Maiko daken A.gilsakan
Namjaode Mande jatan
Nikna nangaijok pilakkon
Manden Skal Gisikni A'selan. 

Ongaijok Manden Gisiko, 
ISOL gri Ia Chasongo. 
Man.jajok ja.rikna nama ramako
Gape namgijanian Ia Chasongo. 

Nikgenokba p'lak namgijako Ia Chasongo, 
Ong'na pangnan ISOL baksasa. 
Jong-Ada No-Abi pilakkon chan.e
Kasana pilaknan Ku.monggrike.

        ~Brian parora R Marak



Comments

  • No Comments
Log Out?

Are you sure you want to log out?