Category : Poems

Sub Category : N/A

|| सूर्योदय झाला ||

सुर्योदय झाला नवस्वप्नांचा
भास्कर रंग उधळित आला,
प्रकाश किरणे पसरली भुईवरी
आनंदाचा उत्सव झाला ||

पहाटेवर मात करूनी विजय झाला
तेजस्वी तारा नभी झळकला,
अंधाराला जिंकून घेण्या
नवउमेदीचा दिवस उजाडला ||

राजाची स्वारी पाहून विश्व सारे
उजळून गेले अवनी नि नभही सारे,
पशुपक्षी कोवळ्या किरणांनी जागे झाले
उठताच उंच उंच शिखरे गाठण्यास सज्ज झाले ||

कोवळ्या कोवळ्या नाजूक कळ्यांनी
अलगद रंगीत नयन उघडले,
झुडूप-लतांच्या देहावरती
नवध्येयाचे दवबिंदू संचारले ||
:~ आदेश कोळेकर (०३/०३/२०२१)
वेळ:०९:०३