Category : Poems

Sub Category : N/A

ही वाट जाते कुठे ?

ही वाट हिरवळीतून धावणारी
हाका मारत ओरडून बोलावणारी,
आज शांतपणे लपून नकळत
मनाला अंधारात ठेवून जाते कुठे ?

ही वाट प्रेमदरी ओलांडून जाणारी
तिला मला रोज ठरवून भेटणारी,
प्रेमळ गप्पांचा माझ्या आस्वाद घेणारी
आज विरहानंतर रागावून जाते कुठे ?

ही वाट माझ्या नव्या स्वप्नांची
रोज नवीन पाठ जीवनाचा शिकविणारी,
इथेच अचानक माझी परीक्षा घेणारी
आज जिंकल्यावर मध्येच थांबून राहते कुठे ?

ही वाट रागावलेल्या आईतून प्रेमळ तिला हाक मारणारी
नकळत माझी बाजू घेऊन मत मांडणारी,
तर कधी प्रसंगी स्वतःच आईचे रूप घेणारी
ही माझी हक्काची वाट सोडून जाते कुठे ?
:~ आदेश कोळेकर (०१/०३/२०२१)
वेळ:(.                  )