Category : Poems

Sub Category : N/A

🌜नाविन्य सौंदर्याचे🌛

नयन तुझे मन मोहणारे
दवबिंदूंना लाजवणारे,
तीक्ष्ण असे हे चक्षु तुझे की
हिऱ्यासारखे चमचमणारे ||

चंद्रकोर ही सजली भाळी
कुंकवाचे धन ल्याली,
रंग असा हा नाविन्याचा
घेऊन ललाटी आली ||

सुगंध दरवळला मनी
हर्षोल्लासित मोगऱ्याचा,
केसांत सजला मोगरा
नवश्वेत स्वप्नांचा ||

सौंदर्याची सुवर्णपरी
 आज नाकावरती सजली,
नवनव्या मोत्यांना जोडत
नथही तोऱ्यात फिरली ||
:~ आदेश कोळेकर (२४/०२/२०२१)
वेळ:०३:१५