Category : Poems

Sub Category : N/A

पाऊल तर टाक ना !

अरे घाबरून इतक्यातच बाहेर पडलास काय ?
क्षणातच स्पर्धेतून माघार घेतलीस काय?
चालत रहा ना तू रडतोस कशाला
अरे सातत्यच तुझ्या यशाची पायरी होईल ना !

अरे धावताना वाटेत अडखळून पडलास काय ?
तीक्ष्ण काटे पाहून निपचित पडलास काय ?
पाऊल तर ठेव या मातीत जरा
ही मातीच तुला पुढे चालायला प्रेरणा देईल ना !

अरे पाहून त्या गरूडाला मध्येच थांबलास काय ?
ताकद त्याची पाहून स्वतःवर रडलास काय ?
उद्याचा गरूड तु ही असशील कदाचित
पण आधी पंखांवर विश्वास ठेव ना !

अरे त्याचा सन्मान पाहून लाजून गेलास काय ?
त्याच्यासाठीच्या टाळ्या पाहून घाबरून गेलास काय ?
दुसरीकडे सन्मान तुझी वाट पाहत असतील
पण तु त्या दिशेने आधी पाऊल तर टाक ना !

:~ आदेश कोळेकर(२२/०२/२०२१)
वेळ:०२:५५