Category : Poems

Sub Category : N/A

😥😥कोण नसतो इथे कोणाचा😥😥

कोण नसतो इथे कोणाचा
एकट्यानेच चालावं लागतं,
बाजारात थोडी किंमत मिळवण्यास
कधी खरं तर कधी खोटंही बोलावं लागतं ||

कधी दोन सुखाच्या गोष्टींसाठी
स्वतःला कायमच दुःखात लोटावं लागतं,
दोन दिवस स्वार्थापुरती नाती असतीलही
पण वादळात एकट्यालाच झोकून द्यावं लागतं ||

मरतानाही स्वप्ने असतात उराशी बांधलेली
या स्वप्नांच्याच मृगजळात सामावून जावं लागतं,
पैसा अडका पुरतो सुखासाठी घटकाभर
पण राहिलेलं जीवनभर सुखाचा भिक्षेकरी व्हावं लागतं ||

इथे प्रत्येक वाटेवर असतात काटे पसरलेले
त्या काट्यांतून फुलाला प्रेमाने शोधावं लागतं,
संपली की संपत्ती तुझी गाठोड्यात साठवलेली
नुसतं माणसाच्या शोधात वणवण भटकावे लागतं ||

:~ आदेश कोळेकर(२१/०२/२०२१)
वेळ:०७:१४