Category : Poems

Sub Category : N/A

आनंद शोधण्यास वेळ कुठे ?
 
आनंदी आनंद गडे जिकडे तिकडे चोहीकडे
पण शोधण्यास आम्हाला तो वेळतरी कुठे ?
धावण्यात या डबक्यातील शर्यतीमध्ये
आम्हाला आनंदाचा बहर पाहण्यास वेळ कुठे ?

दु:खाचे रडगाणे गाण्यात जीवनभर
आम्हाला इतरांना आनंद देण्यास तरी वेळ कुठे ?
मुखवट्यांत या खरा चेहरा लपवलेल्या
आम्हाला खरे हसू तरी शोधण्यास वेळ कुठे ?

काचेतल्या खोट्या मनोरंजनात रमणाऱ्या
आम्हाला खऱ्या आनंदाची व्याख्या वाचण्यास वेळ कुठे ?
तंत्रज्ञानाच्या मागे पळण्यात सततच्या
आम्हाला माझ्या मनाचा आनंद शोधण्यास वेळ कुठे ?
✍️✍️ आदेश कोळेकर (२०/०३/२०२१)
वेळ:०७:२८