Category : Poems

Sub Category : N/A

आता मागे फिरायचं नायं 

बसं झालं आता वाटेतून मागे फिरायचं नायं
उलटलेला काळ आठवून रडत बसायचं नायं,
आता देवीमाईचं नाव घेऊन त्यो डोंगर चढायचा हायं
ज्ञानाच्या धबधब्यात जन्मभर मला नहायचं हायं ||

समिंदर दिसतोय ना तो भ्याव दाखवणारा
त्याच्यासोबत लढाईत मला जिंकायच हायं,
ह्या समिंदरात स्वप्नांच्या आज मला 
दूरवर माझी होडी व्हलवत न्यायची हायं ||

त्या निळ्याभोर आभाळातल्या पाखरावानी
मला उंच उंच उडायचं हायं ,
मला त्या क्षितिजापल्याडचं जग
भरभर न थांबता गाठायचं हायं ||
:~ आदेश कोळेकर (१८/०३/२०२१)
वेळ:०७:४८