Category : Poems

Sub Category : N/A

|| वाटतयं मला आज ||

अंधारानीही यावं एक दिवस माझ्या जीवनात
आणावं हवेतील पायांना ओढून खऱ्या विश्वात ||

एक क्षणभर या कोमल चंद्राने धरतीवरती यावं
थंडपणा सोडून मनाचा तप्त धरणीला कवटाळून घ्यावं ||

एक दिवस या सूर्याने एकाच फटीतून यावं
भेदांनी पसरलेले विश्व एकतेच्या किरणांनी न्हाऊन जावं ||

एक दिवस सावलीने माझ्या मला अलिंगन द्यावं
एकाकीपणांच ओझं कणभर वाटून घ्यावं ||

ओंजळीतलं पसाभर जगासाठी राखून ठेवावं
वाटतयं मला या अंधारात उजेडाला शोधून पहावं ||
:~ आदेश कोळेकर (१७/०३/२०२१)
वेळ:०८:४८