Category : Poems

Sub Category : N/A

|| जीवन एक संघर्ष तुझा ||

जन्मण्याआधीच तुझी जीवनाशी
स्पर्धा सुरू झाली होती,
जगात पाऊल ठेवण्याआधीच तुला
त्याचा दृष्टिकोन बदलण्याची गरज भासली होती ||

जरी जन्मलीस तु गर्भातून आईच्या
समाजाने तुला मुलगी म्हणून नाकारली होती,
पण तेच त्यांचा संसार थाटण्यावेळी
त्यांना जीवनाचा सोबती म्हणून तुझी गरज भासली होती ||

सावित्रीने लावलेल्या ज्ञानाची ज्योत
पुढे तेवत ठेवण्या तु उभी राहिली होतीस,
पण तरीही वाईट पुरूषी नजरांत या
तु घाबरूनच राहिली होतीस ||

जेव्हा तुझ्या कर्तृत्वाच्या जोरावर
समाजाचे नेतृत्व करू लागली तू ,
जगातील पुरूषप्रधान संस्कृतीच्या मनात
क्षणोक्षणी खुपत होतीस तू ||
**आदेश कोळेकर (१३/०३/२०२१)
वेळ:०७:५२