Category : Poems

Sub Category : N/A

|| ताकदीची ढाल हवी आहे ||

ताई आज ही तलवार
तुझ्याच हातात हवी आहे,
देशी गनिमांना संपवण्यास
ताकदीची ढाल हवी आहे ||

ताई पुढे चालण्यास तुला
स्वतःची वाट हवी आहे,
स्वराज्य स्थापण्यास
जिजाऊंची चाल हवी आहे ||

ताई आज तुला नवजग
निर्मिण्यास सावित्रीची जिद्द हवी आहे,
समाज सारा बदलण्यास
सत्याची लेखणी हवी आहे ||

ताई तुला गरूडझेप घेण्यास
आत्मविश्र्वासाची साथ हवी आहे,
आजचा शिवबा घडविण्यास
दिव्यासोबत ज्योत हवी आहे ||
:~ आदेश कोळेकर (१८/०२/२०२१)
वेळ:०८:५०