Category : Poems

Sub Category : N/A

🙏! छत्रपती जन्मला !🙏
जन्मला हा राजा माझा
शिवनेरीवर ठाकला,
चालविण्यास हा देश माझा
छत्रपती चालला ||

वाजले हे सनई चौघडे
स्वागतास राजाच्या,
नाही नाही हुकुमशहा
सह्याद्रीचा पालक जन्मला ||

भिमामाईच्या कुशीत
आज आमुचा मोती दिसला,
आमच्या मातीचा दाता
आमुचा आदर्श जन्मला ||

प्रखर तेजाचा तळपता
आज सूर्य उगवला,
माझ्या अन्नदात्याचा तो
आसरा जाहला ||

आई बहिणींच्या सन्मानाचा
विचार जन्मला,
आज आमच्या स्वप्नांचा
कवडसा मिळाला ||
:~ आदेश कोळेकर (१७/०२/२०२१)
वेळ:०९:२१