Category : Poems

Sub Category : N/A

| वंदन तुजला |

वंदन तुजला करतो आज रे
माझ्या गणपती बाप्पा,
जास्वंदीच्या फुलाचा सुगंध तुच
माझ्या गणपती बाप्पा ||

हे गणराया चरणी तुझिया
ठेवितो माझा माथा,
हे वक्रतुंडा तुच विठ्ठल
नि तुच माझी रे गाथा ||

हे एकदंता बुद्धिदात्या
तुच लेखणी माझी,
तुच माझा श्वास आणि
तुच सावली माझी ||

हे सिद्धिविनायका नाथांच्या
नाथा तुझीच रूपे सारी,
तुच माझा सखा आणि
तुच माऊली माझी ||

तुच गणराया तुच विद्या 
नि तुच विश्व दात्या माझे,
तुच भक्ती नि शक्ती माझी
तुच श्रद्धास्थान माझे ||
:~ आदेश कोळेकर (१६/०२/२०२१)
वेळ:०८:४०