Category : Poems

Sub Category : N/A

अरे हे काय करतोय तू

अरे राजा सांग मला हे काय करतोय तू
उगाचच गळ्याला फास का लावून घेतोय तू,
मातीच्या विश्वासाला भेग का देतोय तू
सांग बळीराजा कर्तव्ये का विसरतोय तू ||

चालताना मातीतही आई शोधणारा तू
आज मातीत घाम ओघळणारा तू,
विश्वाचा आदर्श होणारा तू
अरे बळीराजा सांग का रडतोय तू ||

खांद्यावर साऱ्या जगाचे ओझे वाहणारा तू
माणसाचा प्रत्येक घास पिकविणारा तू,
ओंजळभर पाणी रोज वाटणारा तू
अरे बळीराजा सांग विठ्ठलाला का विसरतोय तू ||
:~ आदेश कोळेकर (१३/०२/२०२१)
वेळ:०९:१४