Category : Poems

Sub Category : N/A

माणसांची चाळ

दाटीवाटीत वसलेली, गर्दीने सजलेली
पावलापावलांवर वेगवेगळी भाषा शिकवणारी,
तर कधीकधी वेडेपणाचे प्रयोग दाखवणारी
माझी भरगच्च भलीमोठी चाळ ||

वीस फुटांच्या अंगणात कधी गोट्या तर
तर कधी भिरभिरत भोवरे फिरणारी,
तर कधी एक टिव्ही पाहणाऱ्या पंधरा जणांची
अशी ही बाल्कनीतील क्रिकेटवीरांची चाळ ||

एकमेकांना ओरडून हाक मारणाऱ्यांची
प्रत्येकाच्या हाकेला धावून येणाऱ्यांची,
तर कधी खरा चार्ली चॅप्लिन शिकवणाऱ्यांची
नि कधी वर्तमानपत्र चोरून वाचणाऱ्यांची चाळ ||

पाच फुटी मंडपात गणपती बाप्पांना
मनोभावे,श्रद्धेने आळवणाऱ्यांची,
तर कधी वेगवेगळी नावे जपणाऱ्यांची
अस्तित्वात असणाऱ्या माणसांची चाळ ||
:~ आदेश कोळेकर (१२/०२/२०२१)
वेळ:१०:११