Category : Poems

Sub Category : N/A

| मला संपणे पसंत होते |

कोणीतरी मला आज पेटवले होते
माझ्यांच्या विरोधातच मला उभे केले होते,
अन् तेच मला विझविण्यास तयार होते
पण याहून मला संपणे पसंत होते ||

आज ते मला त्रास देऊन संपवत होते
माझ्या हातात विभिन्न रंगांची ज्योत देत होते,
पण माझे हात फक्त तिरंगा घेतल्यास तयार होते
नि त्याच्याचसाठी मला संपणे पसंत होते ||

कधीकधी ते मला स्वार्थापायी मशाल करु पाहत होते
तर कधी त्यांच्यातीलच कोणातरीमुळे माझे साथी एक होत होते,
कधी नकळत माझे मन त्यांचेच होत होते
पण कधी चुकून लक्षात आल्यावर मला संपणे पसंत होते ||

कधी माझे मन शेकोटी करुन मनाला उब देत होते
कधी कोणालातरी घाबरून माझे शरीर विरघळून जात होते,
कधी ते मला त्रास देण्यास भट्ट्या पेटवत होते
पण तरीही मला संपणे पसंत होते || 
:~ आदेश कोळेकर (०९/०२/२०२१)
वेळ:०९:५८