Category : Poems

Sub Category : N/A

यांनाही एक गुलाब द्याल का ?

आज तुम्ही कोणालातरी एक फुल दिले असेल
त्यांनीही तुमच्याकडून ते घेतलं असेल,
पण तुमच्यावर निस्वार्थी प्रेम करणाऱ्या
आई-वडीलांना एक गुलाब द्याल का ?

तुम्ही तिच्या प्रेमाचे रोज गीत गालं
तिच्यासाठी स्वतःच वेळही द्याल,
पण तुमच्या भविष्याचा पाया रचणाऱ्या
गुरूजनांना एक गुलाब द्याल का ?

तुम्ही तिच्यासोबत भविष्याची स्वप्ने रंगवालं
तिचा हात हातात घेऊन चालत जालं,
पण तुमच्या देशासाठी अहोरात्र लढणाऱ्या
तर कधी शहिद होणाऱ्या देशभक्तांना एक गुलाब द्याल का ?

कधी ती तुमची साथीदार असेलही
तर कधी स्वार्थापायी सोबत नसेलही,
पण कायम तुमचा खरा मित्र ठरणाऱ्या 
वेळोवेळी दुःखातून सावरणाऱ्या पुस्तकांना तुम्ही एक गुलाब द्याल का ?
:~ आदेश कोळेकर (०७/०२/२०२१)
वेळ:०८:१४