Category : Poems

Sub Category : N/A

! शहीद !

रडतेस कशाला आई
तुझ्यासाठीच तर जन्मलो होतो मी,
उठून बसण्याआधीच मनात
तिरंग्यात झोपलो होतो मी ||

माझ्या एका घरासाठी, कुटुंबासाठी
एक घर जाळले होते मी,
मायभूमीला जपण्यासाठी
संसारावर पाणी ओतले होते मी ||

तुझे अश्रू पुसण्यासाठी
गोळ्या झाडण्यास नि झेलण्यास उभा होतो मी,
तुलाच जपण्यासाठी आज
कणकण जोडून एक झालो होतो मी ||

तुझ्यासाठीच लढताना आज
तुझ्यात सामावलो होतो मी,
स्मारकासाठी नाही तर फक्त
तुझ्यासाठीच शहीद झालो होतो मी ||
:~ आदेश कोळेकर (०५/०२/२०२१)
वेळ:०८:४२