Category : Notes/work

Sub Category : N/A

Nga Pdiang sngewbha ia phi baroh kiba ioh ban pule ia kane ka khubor na kane ka Website  ha ka kyrteng  U  Trai bad  U  Nongpynim  jong  ngi,U Jisu Khrist. 

Shuwa ba ngin  iaid shakhmat to ngin ia duwai "Ah Blei,nga ainguh ia me ba me ai ia nga kane ka lad ba ngan thoh ia kane ka khubor, Plie ia ki Jingkhangiit jong ka bneng Ah Blei  bad ai ba kaei kaei kaba ngan thoh ai kan long ha ka Jingialam ka jong U Mynsiem Bakhuid,Ha ka kyrteng  U  Trai bad  U  Nongpynim  jong  ngi,U  Jisu  Khrist  nga duwai "Amen".


Ha kane ka por nga kwah  ba ngin ia Puson lang shaphang kawei ka Phang kaba la shon bha ha ka dohnud ha ka jingmut jingpyrkhat jong nga Ka Phang "U Jisu Khrist  U  long  ka Jingshai  jong  ka Pyrthei"(Jesus Christ  is  the  light  of  the  world ") kaba la pynshongnongrim na ka Gospel  U  Ioannis 8:12 "Ynda Kumta U Jisu U la iathuhkhana pat ha ki,u da ong,Nga long U Jingshai jong ka pyrthei: uta uba wan bud ia nga un ym iaid ha kaba dum.hynrei un ioh ka Jingshai  jong ka Jingim"

Paralok  baieit,ngi  iohi ba U Jisu U ong ba U long ka Jingshai  jong  ka Pyrthei bad lada ngi bud ia U ngin ym iaid ha kaba  dum,hynrei ngin ioh ka Jingshai jong ka Jingim
Paralok  baieit mynta ka jingkylli ka mih
Mano ba lah ban long U Nongbud jong U Jisu Khrist?
(Who can be a follower of Jesus ?)
To ngin Pule Mathaios  16:24 " Ynda kumta U Jisu u la ong ha ki synran jong U: Lada uno uno ruh u mon ban wan nadien jong nga,ai ba un len ia lade,bad un rah ia la ka diengphna,bad un wan bud ia nga"
Paralok  baieit,ngi  iohi ba U Jisu U ong ba ngi hap ban len ia lade,bad rah ia la ka diengphna,da ngi kwah ban long ki Nongbud jong  U  Jisu 
Ka Jingkylli ka mih Hato phi la kloi ban len ia lade?(Are you ready to deny self ?)
Kane ka mut hato ngi la kloi ban ieh noh kiei kiei kiei kiba ngi leh da ka bor lade
Hato ngi la kloi ban ieh noh ki Jingkwah brai ka Khmat,Ka kti, bad kumta ter ter
Bad Hato ngi la kloi  ban rah ia la ka diengphna
Lada ngi la kloi ban len lade bad ban rah ia la ka diengphna dei hangta ngin sa long U Nongbud  Jong U Jisu
Namar U Jisu u ong ba ngi hap ban leh ia kine lada ngi kwah  ban long ki Nongbud Jong U Jisu 
U John MacArthur  u ong "The True Gospel is call to self-denial.It is not call to self fulfilment".
Paralok  baieit,ngi  im ha ki Sngi ba ngi iohi bun ki Jingjia ba shyrkhei ki jia ,
Ka thma U Syiem Jingdum ruh ka rhem bha mynta 
1 Petros 5:8 " To phin leh adkar, to phin iasharai; naba uta U nongialeh jong phi uba U Soitan kum u sing bakyrkhuh u iaid kylleng,u da wad khnang ia uno uno ruh ba un ioh nguid tylli"
Te Paralok  baieit  ngi dei ban tip ba kane kam dei shuh ka por ba ngin leh sting,kane kam dei shuh ka por ba ngin leh kiei kiei kiba kynja Pyrthei
Hynrei kane ka la dei ka Por kaba nga bad phi ngi dei ban pyntikna noh ia lade ba ngi long ki Nongbud  jong  U Jisu ban pyntikna ba ngi iaid ha ka Jingshai bad U 
Shithi U  Paul U  Apostol  Sha ki Nong  Rom 13:12 "Ka miet katta ka la nang dier noh shibun,te ka sngi ka la jan:namar kata to ngin iabred noh ia kita ki jingleh jong ka jingdum: bad to ngin iakieng noh ia ki atiar ka jingshai"
Ka Por ka la dei ba ngi dei ban kieng noh ia ki atiar ka Jingshai 
Ngim dei shuh ban ieit ia ki jingleh jong ka Jingdum 
Namar ki Jingleh  jong  ka jingdum  ki long kiba pynsngewsih shibun ia U Blei 
Ioannis 3:19 " Kane te ka long kata ka jingpynrem,ba ka Jingshai ka la wan ha ka pyrthei,bad ki briew ki la iaieit kham tam ia ka Jingdum ban ia kata ka Jingshai; naba ki la long bymman ki jingleh jong ki"
Paralok  baieit, U Jisu U ieit palat ia nga bad  ia phi 
Lada U Jisu  U  la kloi ban iap halor ka diengphna na bynta jong  nga bad jong phi 
Khnang ba ngin lah ban poi sha bneng 
Te ngi ruh ngi  dei ban kloi ban im ka Jingim na bynta U Jisu 
Ngi dei ban  smat ban Pule ia ka ktien  U Blei 
Ngi dei ban  smat ban duwai
Ngi dei ban kloi ban pyndonkam ki sap na bynta  jong U 
Ngi dei ban kloi ban long ki Sakhi sha kiwei
Ki Salm 119:105 "Ka ktien jong me ka long ka sharak ia ki kjat jong nga,bad ka Jingshai  ha ka lynti jong nga"
Te Paralok  lada ngi  im ka jingim  na  bynta  U Jisu ngin sa iohi shisha ba ka ktien ka jong U Blei  ka long ka sharak ia ki kjat jong ngi bad ka Jingshai ha ka lynti jong ngi
U (L) Rev Dr. Billy Graham  U ong "The Bible is not an option it is a necessity You cannot grow spiritually  strong without it"
Ngim lah ban im ka Jingim  Riewblei khlem da Pule bad Pdiang ba kaei ka Bible ka ong
Namar ngi dei ban kynmmaw ba ha ka Jingim jong ngi bunsien ki jingeh ki wan,ki Jingpynshoi jong U Bymman ki wan,hynrei lada ngi la Pdiang ia U Jisu ha ka Jingim Jong ngi
Ngi iaid ha ka Jingshai bad ngin jop ia ki Jingpynshoi ym da ka bor jong ngi hynrei da kabor kaba U Blei  un ai ha ngi 
Shithi U Paul U Apostol  Sha ki Nong  Ephesos 6:11 "To Kieng noh ia ka jingkieng atiar ka jong U Blei  baroh,ba phi lah ban ieng pyrshah ia ki buit thap U Soitan"
Paralok  baieit  lada baroh shi katta ngi la long kiba jaituh
Ngim ju Pule Bible  man ka sngi da ka dohnud baroh
Ngim  ju duwai Man ka sngi,da ka dohnud baroh 
Kane ka la dei ka Por ba ngin sdang noh 
Shithi U Paul U Apostol  Sha ki Nong  Philipi 4:13 "Nga lah ban leh kiei kiei baroh ha uta uba pynshaitbor ia nga"
Paralok  baieit  nga kwah  ba mynta ngin iit noh ialade bad ngin pyntikna noh ba ngi long ki Nongbud  jong  U  Jisu Khrist khnang ba ngin ym iaid ha kaba dum hynrei ngin ioh ka Jingshai jong ka Jingim
Namar U Jisu  Khrist U  long  ka Jingshai jong ka Pyrthei
Paralok  baieit  lada phi la iohsngew  ba U Mynsiem  Bakhuid U la kren  ia phi
Wan noh mynta sha ka Kjat ka diengphna
Wan kumba phi long
Wan ban Pdiang noh ia U Jisu Khrist  kum U  Trai bad  U  Nongpynim  jong  phi
Kam Ki Apostol  4:12 "Bad ym don ka jingpynim  hano hano ha uwei pat; naba ym don kawei pat ka kyrteng  hapoh ki bneng,ia kaba  la ai hapdeng ki briew,da kaba ka dei ba yn pynim ia ngi"
Namar  lada ngi  Pdiang  ia U  Jisu kum U Trai bad  U  Nongpynim  jong  ngi,U Jisu un sa map ia ki Pop jong ngi baroh 
Bad ngin sa ioh ka Jingim bymjukut
Bad naduh mynta ngin sa long ki Nongbud  jong  U  Jisu bad ngin sa ioh ka Jingshai jong ka Jingim
Bad kiwei kin sa lah ban iohi ka Jingbhabriew U Jisu lyngba ka Jingim  jong  ngi 
Ngan Pynkut da kane  ka Quote 
Jong U (L) Rev Dr Billy  Graham  "We are the Bibles the world is reading
We are the Creeds the world is needing 
We are the Sermons the world is heeding"


To ngin ia duwai nga kyrpad  ia phi ba phin duwai kane ka Jingduwai "Ah Blei nga wan ban dem ha ki sla jat ki Bakhuid ki jong me,ban ainguh ia me Ah Blei  ba me ai ia nga kane ka lad ban sngap  ia kane ka khubor na ka ktien ka Bakhuid ka jong me,Ah Blei pynthymmai  noh ia ka Jingim jong nga, Nga Phla ia baroh ki pop Sait noh ia ki Pop jong nga da ka snam U Khun jong Me U Jisu ba ngan lieh kum ka ior,Pynsleh noh ia nga da U Mynsiem Bakhuid ai ba Kaei kaei kaba ngan Leh naduh mynta kan long beit ha ka Jingialam jong U Mynsiem  Bakhuid,Thoh noh Ah Blei  ia ka kyrteng  jong  nga ha ka kitab  ka Jingim,Nga duwai  ia  kine  baroh  ha  ka  kyrteng  U  Trai bad  U  Nongpynim  jong  ngi,U Jisu Khrist  "Amen"

Na ka bynta ka burom U Blei  "Amen "