"Wan Sha U Jisu" Read Count : 94

Category : Notes/work

Sub Category : N/A
Nga Pdiang Sngewbha ia phi baroh,ha ka Kyrteng U Trai bad U Nongpynim jong ngi,U Jisu Khrist.

Shuwa ba ngin iaid sha khmat, to ngin ia duwai,A Blei,ngi ainguh ia me ba me ai ia ngi kane ka lad ban iohsngew na ka ktien jong me ha Kane ka Website,Plie ia ki Jingkhangiit ka Bneng,Kren ha ngi Trai ha kane ka Por,Ha Ka Kyrteng U Jisu Khrist U Trai bad U Nongpynim jong ngi,ngi duwai "Amen "

Ha Kane ka Sngi,nga kwah ba ngin ia puson lang shaphang kawei ka Phang kaba shon bha ha ka dohnud jong nga "Wan Sha U Jisu" ba la pynshongnongrim na ka Gospel U Mathaios 11:28-30
Ki ktien ba ong kumne " To wan ha nga,phi baroh kiba thait bad ba khia ka jingkit,te ngan pynjem ia phi,To shim ia ka lyngkor jong nga ha phi,to hikai ruh na nga;naba nga uba lui lui bad uba rit ha ka dohnud:te phin Shem kaba jahthait ha ki Mynsiem jong phi,Naba ka lyngkor jong nga ka long kaba jem,bad ka jingkit jong nga kaba sting".

Paralok baieit,Ngi im ha ki Sngi,ba bun na ngi, ngi dap da ki Jingkylli ba ngim lah ban shem ia ki Jubab 
Ngi iaid kylleng sawdong ka Pyrthei ban wad ia ki Jubab hynrei ngim Shem
Don napdeng jong ngi,Kiba wad ia ka Jingsuk ha ka Jingim ,Ngi wad ia Kane da kaba ngi dih ia ki jingdih buaid,hynrei ngim Shem ia ka Jingsuk
Don napdeng jong ngi, Kiba wad ia ka Jubab shaphang  ka Jingmut jong ka Jingim, hynrei Kane ka Pyrthei kam lah ban ai Jubab ia ngi
Don napdeng jong ngi,Kiba wad ia ka Jubab balei ki ja ki jingjia kumne,hynrei um don ba lah ban ai jubab ia ngi,
Paralok baieit, ngi dei ban tip ba dei tang U Jisu Khrist uba lah ban Jubab ia ki Jingkylli jong ngi
Lada ngi kwah Jingsuk,ngin Shem tang ha U Jisu
Lada ngi kwah Jingkmen,ngin Shem tang ha U Jisu
Lada ngi kwah ia ka Jubab shaphang ka Jingmut jong ka Jingim, ngin Shem tang ha U Jisu
Namar "U Briew un nym sngewthuh ia ka  Jingmut jong Ka Jingim katba um pat ithuh ia uta uba thaw ia U"
To ngin pule Ioannis 14:6 "U Jisu u iathuh  ha U,Nga uba long kata ka lynti,bad ka Jingshisha,bad ka Jingim de:ym don uba wan ha U Kpa,hynrei tang da nga"
Paralok baieit, hangne ngi iohi ba dei tang U Jisu uba lah ban ai ia baroh ki Jubab kiba ngi kwah,Namar udei ma U, U lynti ka Jingshisha bad Ka Jingim
Hynrei Paralok baieit, ngin Shem ia ki Jubab baroh dei tang ynda Nga bad phi,ngi Pdiang ia U Jisu ha ka Jingim jong ngi,namar ngi dei ban kynmmaw 
Ba khlem ka Jingngeit ngim lah ban Pynsngewbha ia U (Hebru 11:6)
Paralok baieit Kane ka long ka Jingkhot ia nga bad Phi ha Kane ka por
To ngin pule Mathaios 11:28 "To wan ha nga,phi baroh kiba thait bad ba khia ka jingkit,te ngan pynjem ia phi"
Paralok baieit, U Jisu U Khot ia nga bad phi ha Kane ka por
Bun na ngi,ngi sngewkhia ka Mynsiem,namar ba bun ki jingeh,Ki Jingpang Jingshitom
Ngi lynga ngi Khuslai,ngim don jingsuk jingkmen
Hynrei U Jisu U la ong, ba lada ngi wan ha U Un pynjem ia ki jingkit bakhiah jong ngi
To ngin pule Mathaios 11:29 -30 "To shim ia ka lyngkor jong nga ha phi,to hikai ruh na nga; naba nga uba lui lui bad uba rit ruh ha ka dohnud;te phin Shem kaba jahthait ha ki Mynsiem jong phi,Naba ka lyngkor jong nga Ka long kaba jem,bad Ka Jingkit jong nga kaba sting"
Paralok baieit,  To ngin shim ruh ia ka lyngkor jong U ha ngi,bad to ngin hikai ruh na U; naba u long uba lui lui bad uba rit ruh ha ka dohnud; te ngin Shem kaba Jahthait ha  ki Mynsiem jong ngi
Naba ka lyngkor jong U,ka long kaba jem,bad Ka Jingkit jong U kaba sting
Kane kam mut ba mynta mynta ngin Shem noh ia ka Jingpynkhiah, Lada ngi don hapdeng ki Jingpang Jingshitom
Hynrei Kane ka mut,ba ngim donkam ban kit shuh marwei ia ki Jingkit bakhiah, Hynrei U Jisu un ia kit lang bad ngi bad dei hangta ba ngin sa Shem ka Jingjahthait ha Ki Mynsiem jong ngi
Paralok baieit, to ngin wan noh sha U Jisu 
Namar dei tang ha U Jisu ba ngin Shem ka Jingjahthait ha ka Mynsiem 
Paralok baieit to ngin pule Shithi ba nyngkong U Petros uba U Apostol 4:16 "Hynrei lada uno uno ruh u shah Shitom kum U Khristan,wat ai un sngew lehraiñ,hynrei to un pyndonburom ia U Blei ha Kane ka Kyrteng"
Paralok baieit, phim dei ban sngewlehraiñ ban Wan sha U Jisu
Wat pyrkhat Kumno Kiwei kin ong ia phi, hynrei to kynmmaw Paralok baieit
Ba dei tang U Jisu uba lah ban ai ia ka Jingjahthait ha ki Mynsiem jong ngi
Paralok baieit Nga tip don ki Khun Samla kibym don kata ka Jingsuk,ka Jingkmen ha ka Jingim ka jong ki
Don napdeng jong ki,kiba dap da ki Jingkit bakhia ha ka Mynsiem,  Hynrei ngi dei ban kynmmaw ba U Jisu U khot ia baroh 
Kampher lada phi dei Samla ne tymmen
Hynrei lada phi Wan sha U Jisu,phin shem ia ka Jingjahthait ha ka Mynsiem,Namar U Jisu U ong "To wan ha nga,phi baroh kiba thait bad ba khia ka jingkit ,te ngan pynjem ia phi"
Paralok baieit,nga khot ia phi ha kane ka por,ba lada U Mynsiem Bakhuid u la kren ha phi,Wan noh mynta sha ka kjat ka Diengphna,Wan ban shem noh ia U Jisu,Wan kumba phi long
lada phi pang,Wan
lada phi Sliang,Wan
lada phi Sngew duh jingkyrmen,Wan
lada phim don Jinhsuk,Jingkmen,Wan
Namar kane kadei ka por ba phin shem ia ki Jubab ia kiba phi kwah,bad dei tang ha U Jisu,phin shem,Te Paralok baieit Wan noh mynta sha ka kjat ka diengphna,nai pynslem shuh,Kane kadei ka Por ba phin mad noh ia ka Jingpynthymmai bad naduh mynta U Mynsiem bakhuid Un sa ialam ia ka Jingim jong phi,bad phin sa ioh mad ia U Soh jong U Mynsiem
To ngin Pule Shithi U Paul uba Apostol sha ki Galatia 5:22 "Hynrei U Soh jong U Mynsiem u long ka Jingieit,ka jingkmen,ka jingsuk,ka jingshahslem,ka jinglehsbun ka jingbha,ka Jingiaineh ka jingjemnud,ka bor halor lade"

To ngin ia duwai  Nga kyrpad ba phin duwai lang ia kane ka Jingduwai " A Blei,nga ainguh ia me,ba me ai ia nga sa kane ka lad ban kylla kaba mut,Nga tip ba me ieit palat ia nga,ba me lah Phah ia U khun ba marwei jong me,U Jisu Khrist ban wan shane sha Pyrthei ban iap halor ka diengphna na bynta jong nga U Nongpop,Naduh mynta,ngan bud noh ia U Jisu,Wan ha dohnud jong nga,Wan ban pynkhuid ia ka dohnud ka Jingmut Jingpyrkhat jong nga,Nga Pdiang ia me Jisu Kum U Trai bad U Nongpynim jong nga,Pynsleh ia nga,da U Mynsiem bakhuid ai ba U naduh mynta ka sngi,U Mynsiem bakhuid un ialam ia ka Jingim jong nga,Aibor Trai ba ngan ieit ia baroh ki briew,Sait noh da ka snam ka Jong me Jisu ia nga,ba ngan leh kum Ka ior,Ha Ka kyrteng U Jisu Khrist,U Trai bad U Nongpynim jong nga, nga duwai "Amen".

U Blei un kyrkhu ia Phi 😇😇😇


Comments

  • No Comments
Log Out?

Are you sure you want to log out?