Category : Notes/work

Sub Category : N/A

Nga Pdiang Sngewbha ia phi baroh kiba ioh ia Kane ka khubor na Kane ka Website ha ka Kyrteng U Trai bad U Nongpynim jong ngi U Jisu Khrist.

Shuwa ba ngin iaid shakmat,to ngin ia duwai Ah Blei, ngi ainguh ia me,ba ngi ioh Kane ka lad,ban sngap ia ka Khubor, na ka ktien ka bakhuid ka jong me ha Kane ka Website, Ah Blei,Plie ia ki Jingkhangiit ka bneng, kren ha ngi Trai,ha Kane ka por,Ai ba U Mynsiem bakhuid un ialam ia ngi,naduh dang sdang haduh ka bakut,Ha Ka Kyrteng U Jisu Khrist,U Trai bad U Nongpynim jong ngi, ngi duwai "Amen".

Ha Kane ka por,nga kwah ba ngin ia puson lang shaphang kawei ka khubor kaba la shon bha ha ka dohnud ka jong nga," Ka Jingiatuhkhana Jingieit bakhraw kabym pat ju Shem mynno mynno ruh "(The Greatest Love Story Ever told) ba la pynshongnongrim na ka Gospel U Ioannis 3:16-17 ki ktien ba ong kumne
" Naba U Blei u la ieit katta katta ia ka Pyrthei katba u la aiti noh ia la U Khun ba la Kha marwei,ba uei uei ruh uba ngeit ha U,un ym jot shuh,hynrei un ioh ka jingim bymjukut,Naba U Blei um shym la phah ia la U Khun sha ka Pyrthei, ba un pynrem ia ka Pyrthei, hynrei ba un  pynim ia ka Pyrthei da U"

Paralok baieit,baroh ngi tip Ioannis 3:16-17
Kane kadei ka dhkot Bible kaba pawnam bha bad jan baroh ki Khristan ki la lah lyndet ia Kane ka dhkot Bible
Te Paralok baieit shuwa ba ngan iaid shakhmat nga shu kwah ban batai shuwa shaphang ki Four types of Love ne Ki Saw Jait ki Jingieit
Kaba nyngkong Agape Love- Ka Jingieit U Blei
Kaba ar Storge-Ka Jingieit hapdeng shi iing shi sem
Kaba lai Philia-Ka Jingieit hapdeng Shiparalok
Kaba saw Eros-Ka Jingieit hapdeng arngut
Te Paralok baieit phi dei ban tip ba phin nym sngewthuh ia kine lai tylli Storge, Philia,Eros katba phim pat sngewthuh ia ka Agape Love kaba dei ka Jingieit U Blei 
Paralok baieit, bun ki briew ki ong ba ka Jingiatuhkhana Jingieit hapdeng U Romeo bad Ka Juliet ka long ka Jingiatuhkhana Jingieit Kaba sngewtynnad tam
Don kiba ong ba ka Jingiatuhkhana Jingieit hapdeng U Jack bad Ka Rose(Titanic) ka long ka Jingiatuhkhana Jingieit Kaba sngewtynnad tam
Hynrei ngan ong ha phi ba ka Jingiatuhkhana Jingieit kaba sngewtynnad tam kadei ba la thoh ha ka Ktien Bakhuid Ka Jong U Blei ha U Ioannis 3:16
"Naba U Blei, u la ieit katta katta ia ka Pyrthei, katba u la aiti noh ia la U Khun ba la Kha marwei,ba uei uei ruh uba ngeit ha u,un ym jot shuh,hynrei un ioh ka Jingim bymjukut"
Paralok baieit jong nga,hato don mo ka Jingieit kaba kham khraw ia kane,ka Jubab ka long em
Ym don ka Jingieit kaba kham khraw ia kane
Paralok baieit,nga bad phi ngi long ki Nongpop,kiba la leh shibun ki pop
Nga bad phi,ngi la leh pyrshah ia ka mon U Blei
Kumba la thoh ha ka Shithi U Paul U Apostol Sha Ki Nong Rom 3:10 "Kumba la thoh Ym don uba hok,em ym ym don uwei ruh" 
Bad Shithi U Paul U Apostol Sha Ki Nong Rom 3:23 "namar baroh ki la leh pop,bad ki la duh lehnohei ia ka burom ka jong U Blei"
Hynrei Paralok baieit,watla katta ruh,U Blei U ieit palat ia nga bad phi
Bad dei ka Jingieit ka jong U,ba u sa phah ia U Khun ba kha marwei U Jisu Khrist ban wan shane sha Pyrthei na bynta jong nga jong phi bad da ka jingngeit ha U Jisu Khrist ngin ioh ka Jingimbymjukut
Hynrei don kiban ong kumno U Blei U ieit ia nga uba la leh shibun ki pop
To ngin Pule Ioannis 3:17 bad Loukas 5:32 
Ioannis 3:17 "Naba U Blei,um shym la phah ia la U Khun sha ka Pyrthei,ba un pynrem ia ka pyrthei,hynrei ba un pynim ia ka pyrthei da U"
Loukas 5:32 "ngam  shym la wan ban khot ia kiba hok,hynrei ia kiba pop sha ka jingkylla kaba mut"
Paralok baieit,hangne,ngi iohi ba U Jisu U wan ban khot ia kiba pop,sha ka Jingkylla kabamut 
Nga bad phi,ngi long ki Nongpop,bad donkam ia ka Jingkylla kaba mut
U Ravi Zacharias U ong kane ka Quote "Jesus did'nt come into the world to make bad people good,he came into the world to make dead people live"
Paralok baieit,nga bad phi,ngi la dei ban shah ia ka Jingiap ba shyrkhei namar ki pop jong ngi,hynrei namar ba U Jisu U ieit palat ia nga bad ia phi,U la shah na bynta jong nga jong phi
Hato don mo ba ieit ia ngi kum ba ieit U Blei ka Jubab ka long em
Shithi U Paul U Apostol Sha Ki Nong Rom 5:8 "Hynrei U Blei U pyni shynna ia la ka jong ka jingieit sha ngi,ha kaba ngi dang long kiba pop,U Khrist U la iap iapli ia ngi"
Halor ka Diengphna,U Jisu U la bah ia baroh ki Pop,ki Jingpang Jingshitom,Ki Jingkhuslai jong nga jong phi
Bad ha ka sngi kaba lai,U Jisu u la jop ia ka Jingiap 
Shithi U Paul U Apostol Sha Ki Hebru 9:22 "Bad katba kum ka hukum,nga lah ban ong,ba lajan kiei kiei baroh la pynkhuid da  ka Snam,bad khlem kaba pynmih snam ym don Jingmap"
Te Paralok baieit, da ka Snam U Jisu lah ban sait ia baroh ki pop jong nga jong phi
Hato Kane kam dei ka Jingieit bakhraw kabym Pat ju Shem mynno mynno ruh 
Ka Jubab ka long Hooid 
Alicia Bruxvoort ka ong "The Shape of true love isn't a diamond it's  a  Cross"
Shithi U Paul U Apostol Sha Ki Nong Rom 8:38-39 "Namar nga ngeit shkem ba ka Jingiap,lymne  ka Jingim,lymne ki angel,lymne ki Nongsynshar,lymne kiba don bor,lymne kiei kiei ruh kiba long mynta, lymne kiei kiei ruh Kiban sa long,lymne Ka jingjrong,lymne Ka jingjylliew,lymne kaei kaei ruh kawei pat ka Jingthaw,kan ym lah kein ban pyniakhlad noh ia ngi na kata ka jingieit ka jong U Blei kaba ha U Khrist Jisu, uba U Trai jong ngi"
Paralok baieit, Kane ka long ka Jingkyrmen ia nga bad phi ba shisien Ka Sngi,ngin sa ioh ban shong shirta bad U Jisu Khrist ha bneng
Namar ka Jingpyninm(Salvation) ka jong ngi,kam shong ha kiei kiei kiba ngi leh hynrei ha kaei kaba U Jisu Khrist u leh na bynta jong ngi,bad Ngi donkam ka Jingngeit ha U Jisu Khrist ban ioh ka Jingpynim
Shithi  U Paul U Apostol Sha Ki Nong Ephesos 2:8-9 "Namar da ka jingaiei la pynim ia phi,da ka Jingngeit kein,kata ruh ym na phi hi;ka long ka Jingai U Blei:ym da ki jingleh kein,ba uno uno ruh un ym ioh ban sngew sarong"
Te Paralok baieit, nga kwah nga ba phi baroh kiba pule ia Kane, ba ngin iit ialade
Hato phi la Pdiang ne em ia U Jisu Khrist kum U Trai bad U Nongpynim jong phi
Hato phi la tikna ban poi sha bneng
Lada phim pat tikna,Kane kadei ka por ba nga bad phi ngin pyntikna noh 
Ba ngin phai noh na ki lynti bymman baroh 
Ban kylla kaba mut noh
Shithi banyngkong U Ioannis Uba U Apostol 1:9 "Lada Ngi phla ia ki pop jong ngi,u long uba iaineh bad uba hok,ban map noh ia kita ki pop jong ngi bad ban pynkhuid ia ngi na kabym hok baroh"
Paralok baieit ka por ka ladei ba ngin kylla kaba mut noh
Ba ngin Pdiang noh ia U Jisu Khrist kum U Trai bad U Nongpynim jong ngi
Namar ban ioh ia ka Jingimbymjukut dei tang lada ngi Pdiang ia U Jisu Khrist kum U Trai bad U Nongpynim jong ngi
Paralok baieit U Jisu U la shah ia ka Jingiap bashyrkei namar ba U ieit ia nga bad ia phi.
Te Paralok baieit,lada U Jisu U shah ia ka Jingiap bashyrkei na bynta jong ngi,te ngi ruh ngi dei ban kloi ban kylla kaba mut noh ban long noh ki Khristan kiba la kha Pat(Born again) ym ki Khristan kiba ong kiba tip ia U Blei hynrei ha ki kam ki len ia U(Titos 1:16)
 Ioannis 3:3 "U Jisu U iathuh bad U la ong ha U,Shisha shisha nga ong ha me,lymda kha pat ia U Briew,um lah ban iohi ia ka hima U Blei"
To Paralok baieit to ngin pyntikna noh ba ngi la long kiba ka kha pat khnang ba ngin ioh ka Jingimbymjukut
Kumba la thoh Ioannis 3:16-17 "Naba U Blei U la ieit katta katta ia ka Pyrthei katba U la aiti noh ia la U Khun ba la kha marwei ,ba uei uei ruh uba ngeit ha U, un ym jot shuh, hynrei un ioh ka Jingimbymjukut,Naba U Blei um shym la phah ia la U Khun sha ka pyrthei,ba un pynrem ia ka Pyrthei,hynrei ba un pynim ia ka Pyrthei da U"
Shisha U Jisu u la wan ban pynim ia ka Pyrthei U la wanrah Jingshai ia ka Pyrthei 
Bad  kane kadei shisha "Ka Jingiathuhkhana Jingieit bakhraw kabym pat ju shem mynno mynno ruh "(The Greatest Love Story Ever told)
Na ka bynta ka burom U Blei "Amen"

To ngin ia duwai,nga Kyrpad ia Phi ba phin duwai kane ka Jingduwai "Ah Blei,nga ainguh ia me,ba me ai ia nga Kane ka lad ba ngan sngap ia ka Khubor na ka ktien ka jong me, Ah Blei nga tip me ieit palat ia nga watla nga long tang U Nongpop uba la pyn sngewsih ia me bunsien, Hynrei watla nga long kumta ruh,hynrei me ieit ia nga,ba dei ka Jingieit jong me,ba me la phah ia U Khun jong me, U Jisu ban wan Shane sha Pyrthei ban iap halor ka diengphna na bynta jong nga,Mynta nga ngeit ba U Jisu U la jop ia ka Jingiap bad mynta U im,Wan ha dohnud jong nga Jisu, Pynkhuid ia ka dohnud ka Jingmut Jingpyrkhat jong nga,Thaw thymmai Trai ia ka Jingim jong nga,Nga Pdiang ia me,Kum U Trai bad U Nongpynim jong nga,Pynsleh ia nga da U Mynsiem bakhuid, ai ba U Mynsiem bakhuid un ialam ia ka Jingim jong nga,naduh mynta ka sngi,Sait noh Jisu ia ki Pop jong nga,da ka Snam jong me,Thoh ia ka Kyrteng jong nga,ha ka Kitab Ka Jingim, Ha Ka Kyrteng U Jisu Khrist U Trai bad U Nongpynim jong ngi,nga duwai "Amen"

U Blei un kyrkhu ia phi 😇😇😇😇