"U Trai U Tip Ia Ki Jingmut Jong Phi" Read Count : 74

Category : Notes/work

Sub Category : N/A
Nga Pdiang sngewbha ia phi baroh ha ka Kyrteng U Trai bad U Nongpynim jong ngi U Jisu Khrist

Shhwa ba ngin iaid shakmat to ngin duwai Trai Jisu,ngi wan ban dem ha ki sla jat kiba Khuid ki jong me,ban ainguh ia me Trai ba me la ai ia ngi kane ka lad ba ngin sngap ia Khubor na ka ktien ka jong me,lyngba kane ka website,kren ha ngi Trai ha kane ka por,Ngi duwai ha ka Kyrteng U Jisu Khrist "Amen"

Nga kyrpad ba phin buh ka Bible hajan katba phi dang pule ia Kane

Mynta ka sngi,to ngin ia puson lang shaphang ka phang "U Trai U tip ia ki jingmut jong phi" ba lah pynshongnongrim na U Jeremiah 29:11 
Ki ktien ba ong kumne "Naba nga tip ia ki jingmut kiba nga pyrkhat shaphang jong phi,ong U Trai,ki jingmut ka jingsuk kein,te ym ki jong ka jingsniew,ban ai jingkyrmen ia phi ha ka por bakut jong phi"
Bad na U Isaiah 55:8 
Ki ktien ba ong kumne "Namar ki jingmut jong nga kim long kum ki jingmut jong phi,lymne ki lynti jong phi kum ki lynti jong nga,ong U Trai"

Kat shaba phai ngi iohi bun ki jingeh
Ki briew ki Khuslai ki lynga 
Bun ki duh jingkyrmen 
Hynrei Paralok baieit to kynmmaw ba U Trai u tip ia ki jingmut ki jong phi(Ki plans na bynta jong phi Jeremiah 29:11)
Ngim ju dei ban duh jingkyrmen ngi dei ban shaniah ha U Blei
Namar U tip ia baroh kiba nga bad phi ngi donkam 
To ngin pule  Mathaios 10:30 "Wat ia niuhkhlieh jong phi baroh ruh la niew"
U Trai U tip ktno tylli ki niuhkhlieh phi don
Bad ki jingmut kiba U Blei U tip na bynta jong phi ruh ki long ki jingmut ka jingsuk kein (Jeremiah 29:11)
Te balei phin lynga phin Khuslai haba phi tip ba U Blei U don ka plan na bynta jong phi
Namar ki jingmut U Blei kim long kum ki jingmut ki jong ngi ki briew
To ngin pule Isaiah 55:8 " Namar ki jingmut jong nga kim long kum ki jingmut jong phi,lymne ki lynti jong phi kum ki lynti jong nga,ong U Trai"
Ki jingmut jong ngi ha teng ha teng ki lah ban long ki jingmut kibym pynsngewbha ia U Trai
Hynrei ki jingmut ki jong U Trai ,ki long kiba khuid
Lada ia kane phim pat sngewthuh ka mut ba phim pat shem ia U Trai
To ngin pule Isaiah 55:6"Wad phi ia U Trai katba dang lah ban shem ia U,to kyrpad ia U katba u dang hajan"
Wad noh ia U Trai mynta
Nai buhteng shuh kane ka sngi Wad noh ia U Trai
Bad Phin shem ia U haba phi wad ia U da ka dohnud baroh ( Jeremiah 29:13)
La baroh shi kata phi la wad ia ki kam sngewbha pyrthei
La baroh shi kata phi la wad ia ka spah pyrthei
La baroh shi kata phi la don ki jingmut ki bym Khuid
Hynrei mynta Wad noh ia U Blei
Nai wad shuh ia kine ki kam sngewbha pyrthei ne ia ka spah pyrthei ne nai don shuh ia ki jingmut kibym Khuid
Namar kine ki long tang shipor ba shisien ka sngi kin kut
Wat lada baroh shi katta ma nga bad phi ngi la wad ia kine 
Ngi la pynsngewsih ia U Blei 
Hynrei lada ngi iehnoh ia ki lynti bymman jong ngi,U Blei U map ia ngi
To ngin pule Isaiah 55:7 "To U bymman un iehnoh ia la ka lynti,bad u riewbymhok ia la ki jingmut;to un phai ruh sha U Trai,te un sngewsynei ia U;bad sha U Blei jong ngi,namar un map phar"
Paralok baieit U Blei U lah ban ai ka dohnud bathymmai 
Ka dohnud ba kmen ka dohnud ba lah ban ieit ia kiwei
Ka dohnud kaba dap da ka jingsuk jingkmen
Lada ngi iehnoh ia kine ki kam sngewbha pyrthei
To ngin pule Ezekiel 36:26 "Ngan ai ruh ka dohnud thymmai ha phi,bad ka mynsiem thymmai de ngan buh hapoh jong phi; bad ngan khlaw ia ka dohnud maw na ka dohnud jong phi,bad ngan ai ka dohnud doh ha phi"
U Blei un ai ka dohnud doh bad un weng noh ka dohnud maw
Te paralok baieit Lada baroh shi katta phim pat lah ban pynsngewbha ia U Trai
Lada baroh shi katta phim don jingsuk jingkmen 
Kane ka sngi ka lah ban long ka sngi ba phi ioh ban mad ia ka jingpynthymmai
Lada phi kloi ban iehnoh ia ka spah, ki jingsngewbha Pyrthei 
Bad da U Mynsiem U Blei U kren ia Phi ha kane ka por
Wan  sha ka kjat ka diengphna
Wan kumba phi long
Wat lada phi sngew ba ki pop ki jong phi ki long kiba khraw
Wan namar ka snam U Jisu ka kham khraw ia ki pop ki jong ngi
Pdiang noh ia U Jisu Khrist mynta kum U Trai bad U Nongpynim jong phi
Bad Phin sa long ki jingthaw thymmai ha U Khrist
Bad phin nym long shuh kum ba long mynshuwa
Namar U Briew uba la Pdiang ia U Jisu U long U jingthaw thymmai 
Bad Phin nym lynga,ne Khuslai shuh ia ka lashai ka jong phi
Namar phi tip ba U Trai U tip ia ki jingmut shaphang jong phi,ki jingmut ka jingsuk kein,te ym ki jong ka jingsniew,ban ai ka jingkyrmen ia phi ha ka por bakut jong phi (Jeremiah 29:11)

To ngan duwai,phi lah ruh ban duwai ia kane ka jingduwai "Trai nga wan ban dem ha ki sla jat ki bakhuid ki jong me,ban ainguh ia me Trai ba me la ai ia nga sa kane kawei ka lad ban kylla kaba mut,Ktah ia nga Trai,pynthymmai ia nga,sait da ka Snam ka jong me ia ki pop ki jong nga,Aibor Trai ba ngan lah ban jop ia ki jingpynshoi,Naduh mynta ngan bud ia me,Nga pdiang ia me Kum U Trai bad U Nongpynim jong nga.Nga duwai ha ka kyrteng U Jisu Khrist " Amen"

U Blei yn kyrkhu ia phi 😇😇😇

~Gideon Rymbai






Comments

  • No Comments
Log Out?

Are you sure you want to log out?