"Ki Ar Tylli Ki Lynti" Read Count : 94

Category : Notes/work

Sub Category : N/A
Nga Pdiang sngewbha ia phi baroh kiba pule ia Kane ka khubor ha ka kyrteng U Trai bad U Nongpynim jong ngi U Jisu Khrist.

Shuwa ba ngin iaid shakmat to ngin ia duwai Trai Jisu,ngi wan ban dem ha ki sla jat ki bakhuid ki jong me,ban ainguh ia me Trai ba me la ai ia ngi Kane ka lad ba ngin iohsngew ka khubor na ka ktien ka jong me lyngba Kane ka website, kren ha ngi Trai,ai ba U Mynsiem bakhuid un ialam ia ngi naduh dang sdang haduh kaba kut,Ha ka kyrteng U Jisu Khrist U Trai bad U Nongpynim jong ngi,ngi duwai "Amen".

Nga kyrpad ba phin plied ka Bible bad pule ia ki bynta ba la sot.

Ha kane ka Sngi,nga kwah ba ngin puson lang shaphang kawei ka phang kaba la shon bha ha ka dohnud bad ka jingmut jingpyrkhat jong nga " Ki artylli ki lynti " ba la pynshongnongrim na ka Gospel U Mathaios 7:13-14
Ki ktien ba ong kumne "To bsut,lyngba ia ka khyrdop bakhim: naba ka kylluid ka khyrdop,kaba jlan ruh ka lynti,kaba lam sha kaban jot:bun ruh kiba iabsut na kata,Hynrei ah kaba khim kata ka khyrdop:ah kaba wit ruh kata ka lynti kaba lam sha kaban im! ah ki long khyndiat ruh kiba shem ia kata!"

U Jisu U ong don artylli ki lynti,Ka lynti kaba kylluid bad ka lynti kaba khim
Paralok baieit Kaei ka lynti kaba kylluid?
Ka lynti kaba kylluid ka long ka lynti  kaba suk ban iaid 
Namar bun ki iaid ha kane ka lynti
Ka long ka lynti ba ngi ioh baroh ki jingsngewbha pyrthei
Kum kaba ngi pynsngewbha ia lade ha kaba iadih ki jingdih buaid,dih sikret,bam ia ki jingbam kiba pynjot ia ka met, peit ia ki videos ki website kiba ngim dei ban peit bad kiwei kiwei
Haba ngi leh kine bunsien ka Pyrthei ka ieit ia ngi
U Jisu U ong da ngi long na ka jong ka Pyrthei,kata ka Pyrthei kan da ieit ia la ka jong(Ioannis 15-19)
Te Paralok baieit lada ngi ieit ia ka Spah Pyrthei
Ka mut ngim dei ki Khristan bashisha,namar ka jingialok bad ka Pyrthei ka long ka jingshun ia U Blei(Jakob 4:4)
Hynrei bun na ngi,ngin ong nga shait Pule Bible man ka sngi,nga duwai man ka sngi nga tip shaphang U Jisu
Tang ba nga dih ki jingdih buaid teng teng, tang ba nga dih sikret dep bam ja, tang ba nga bam ki jingbam tobacco teng teng mut ngam dei U ne ka Khristan kaba shisha
To ngin pule Ka shithi U Paul U Apostol Sha U Titos 1:16 "Ki Phla ba ki tip ia U Blei,hynrei ha la ki kam ki len ia U,ba ki long kiba ijli,bad kibym kohnguh,bad ha ki jingleh babha baroh kibym suid niew"
Paralok baieit to ngin pule Shithi U Paul U Apostol sha ki Hebrew 11:25 "U da jied pynban ban shah shitom lem bad U Paidlang U Blei,ban ia kaban ioh ki jingsngewbha ka pop tang shi por"
Paralok baieit ka bha ba ngi shah shitom na bynta U Blei ban ia kaba ioh ki jingsngewbha pyrthei shi por namar ki Jingsngewbha pyrthei ki long tang shipor bad shisien ka sngi kin kut
Namar ia kaei kaei kaba U Briew u bet,un ioh ot
To ngin pule, Shithi U Paul U Apostol Sha ki Galatia 6:7 "Wat shah ba yn shukor ia phi:yn ym shukor ia U Blei:namar ia kaei kaei ruh ba U briew u bet,ia kata hi un ioh ot ruh"
Phi lah ban don ka Spah 
Hynrei to kynmmaw Paralok baieit ba ka Spah kan nym ai jingim bymjukut 
Te Paralok baieit,ka lynti kaba kylluid shisha kan ialam sha ka jingjot ka bymjukut
Namar ngim lah ban ioh ka jingim bymjukut
Kaei ka lynti ka bakhim?
Ka lynti kaba khim kadei ka lynti ba ngi iaid bad U Jisu
Ka dei ka lynti ba tang khyndiat ki shem
Kadei ka lynti ba haba ngi leh ei ei,ngi pynsngewbha ia U Blei,ym ka lynti kaba pynsngewbha ia ka Pyrthei
Ka dei ka lynti ba bun kim treh ban iaid
Namar lada ngi iaid ha kane ka lynti,ka Pyrthei bunsien ka shun ia ngi,ka bein ia ngi
Hynrei ngi dei ban kynmmaw ba U Jisu U don ryngkat bad ngi U Mynsiem bakhuid Un ialam ia ngi,haba ngi iaid ha ka lynti bakhim
Namar kadei ka lynti kaba ialam sha ka Jingim bymjukut
To ngin pule Loukas 6:22 "Suk ma phi Ynda ki briew ki shun ia phi,bad Ynda kin tait ia phi bad kin leh bein ia phi,bad kin ot bein noh ruh ia ka Kyrteng jong phi kum Ka bymman,na ka bynta U Khun u briew"
To ngin pule Shithi ba nyngkong U Petros uba U Apostol 4:16 "hynrei lada uno uno ruh u shah shitom kum U Khristan,wat ai un sngew lehrain,hynrei to pyndonburom ia U Blei ha kane ka Kyrteng"
Paralok baieit ngim dei ban sngewlehrain 
Lada kiwei ki bein ia ngi haba ngi iaid ia ka lynti bakhim,hynrei to ngin shah shitom kum Ki Khristan ba shisha
Ngim ju dei ban lehrein ban phla ia U Jisu ha khmat ki briew
To ngin pule Mathaios 10:32 "Uno uno baroh te uban phla ia nga ha khmat ki briew,nga ruh ngan phla ia U ha khmat U Kpa jong nga uba ha bneng"
To ngin pule Ioannis 14:6 "U Jisu U iathuh ha U,Nga uba long kata ka lynti,bad ka jingshisha,bad ka jingim de:ym don uba wan ha U Kpa,hynrei tang da nga"
Hooid,Paralok baieit,ka lynti ka bakhim ka dei shisha ka lynti kaban ialam sha ka Jingim bymjukut 
Namar dei tang kiba la Pdiang ia U Jisu Khrist kum U Trai U Nongpynim jong ki
Dei tang kiba la ieh ia ki jingsngewbha pyrthei kiba lah ban iaid ia ka lynti ba khim lem bad U Jisu 
Mynta nga kwah ba nga bad phi,ngin iit ialade
Ha kano ka lynti ngi don
Ha ka lynti ba kylluid ne ha ka lynti bakhim
Lada ngi don ha ka lynti kaba kylluid,to ngin kylliang noh ka lynti sha ka lynti ba khim
Jied phi ha kane ka sngi iano phin shakri(Joshua 24:15)
Paralok to jied noh mynta iano phin shakri ia ka Spah Pyrthei da kaba iaid ka lynti kaba kylluid kaba ialam sha ka jingjot bymjukut
Ne phin Shakri ia U Jisu Khrist U Trai bad U Nongpynim jong Ngi da kaba iaid ia ka lynti ba khim kaban ialam sha ka Jingim bymjukut
Namar bym tang da U Kpu hi ba un im U Briew,hynrei da ki ktien baroh ba mih noh na ka Shyntur U Blei (Mathaios 4:4)
Paralok baieit lada U Mynsiem U Blei U kren ia Phi ha kane ka por
Sngap ia ka Jingkren jong U
Wan Sha ka kjat ka diengphna
Lada phi dei ki Samla,ne ki rangbah,ne ki tymmen 
Wan noh mynta nai pynslem shuh
Shithi ba ar U Paul U Apostol sha ki Nong Korinth 6:2 "namar U ong,Nga la shah shkor ia me ha ka ia badiang hun,bad ha ka sngi ka jingpynim nga la wan iarap ia me:ha khmih,mynta kein kata ka ia badiang hun;ha khmih,mynta kein kata ka sngi ka jingpynim"
Wan ban Pdiang noh ia U Jisu Khrist Mynta
Phin sa shem ia ka lynti kaba khim
Phin sa iaid ia kata ka lynti
U Jisu un sa map ia ki pop jong phi
Bad Phin sa iaid katkum U Mynsiem,bad phin nym pyndep ia ka Jingkwah ka doh(Galatia 5:16)
To ngin pule Shithi U Paul U Apostol Sha ki Galatia 5:22 "Hynrei U Soh jong U Mynsiem U long ka Jingieit,ka Jingkmen,ka Jingsuk,ka Jingshahslem,ka jinglehsbun,ka jingbha, ka jingiaineh,ka jingjemnud ka bor halor lade"
Phin sa ioh mad kine baroh
Phin sa long kiba la Kha Pat (Born again)
Bad naduh mynta ka Sngi, phin sa tip ba phin sa ioh ka jingim bymjukut ha bneng.

To ngin duwai,Phi lah ban duwai lang ia Kane ka Jingduwai,A Blei nga ainguh ia me,ba me ai ia nga  Kane ka lad ba ngan kylla kaba mut,Nga ainguh ia me ba me ieit ia nga,wat Lada nga leh bun ki pop,Hynrei me iai ieit ia nga,ba me phah ia U Khun ba marwei jong me U Jisu Khrist ban iap halor ka diengphna na bynta ki pop jong nga,bad nga ngeit ba U Jisu U la jop ia ka jingiap ha ka sngi kaba lai bad Mynta U im,Ai bor ia nga,naduh mynta ka Sngi ngan Bud ia U Jisu Khrist, nga Pdiang ia U kum U Trai bad U Nongpynim jong nga, Wan ha dohnud jong nga Jisu,Ai ba U Mynsiem bakhuid Un ialam ia ka jingim jong nga naduh mynta ka sngi,ba ngan lah ban iaid ka lynti ba khim,Ai bor ia nga ba ngan ieit ia baroh ki briew, Sait noh ia ki pop jong nga da ka snam U Jisu , Thoh ia ka Kyrteng jong nga Ha ka kitab ka jingim, Ha ka Kyrteng U Jisu Khrist U Trai bad U Nongpynim jong Ngi,Nga duwai "Amen".

U Blei un kyrkhu ia Phi 😇😇😇😇

~Gideon Rymbai










Comments

  • No Comments
Log Out?

Are you sure you want to log out?