"Ka Jinglong Samla" Read Count : 154

Category : Notes/work

Sub Category : N/A
Nga Pdiang sngewbha ia phi baroh kiba pule ia kane ka khubor na kane ka website ha ka kyrteng U Trai bad U Nongpynim jong ngi U Jisu Khrist.

Shuwa ban iaid shakhmat to ngin duwai
Trai Jisu,ngi wan ban dem ha ki sla jat ki bakhuid ki jong me,ban ainguh ia me Trai sa shisien ba me ai ia ngi Kane ka lad ba ngin sngap ia ka khubor na ka ktien ka jong me ha Kane ka website, kren ha ngi Trai bad ai ba kaei kaei kaba ngi pule,kan long kaba wan na me Trai,Ngi duwai ha ka kyrteng U Jisu Khrist "Amen".

Nga kyrpad ba phin buh ka Bible hajan jong phi ha ka por ba phi pule ia kane

Mynta ka Sngi ngin iapuson lang shaphang ka phang " Ka Jinglong Samla" ba la pynshongnongrim na U Eklesiastis Lynnong 11:9-10 
Ki ktien ba ong kumne "Leh kmen,ko Samla ha la ka jinglong samla;bad to ka dohnud jong me kan pynkmen ia me ha ka Sngi ka jinglong Samla jong me,bad iaid ha ki lynti ka dohnud jong me,bad ha ka jingiohi  ka khmat jong me;hynrei kynmaw me ba U Blei un bishar ia me shaphang kine kiei kiei baroh.Namar kata pynkynriah noh ia ka jinsngewsih na ka dohnud jong me,bad buh noh ia kaba sniew na la ka doh:namar ka jinglong Samla bad ka jinglong rangbah ki long kiba thala"

Paralok baieit,Hooid ka jinglong Samla ka long Ka por kaba pynkmen bha ia U Briew
Bunsien ngi ki khun Samla ngi kwah eh ban pynsngewbha ia lade 
Hooid,ka ktien ka jong U Blei ka ong leh kmen ko Samla, ha la ka jinglong Samla;
Hangne haba U Blei u ong leh kmen 
U khlem ong ban leh kmen ha ki jingsngewbha pyrthei
Hynrei U ong leh kmen da kaba
iaid bad U Blei bad leh ka mon ka jong U Blei
Paralok baieit, U Soitan u kwah palat ban pynsniewdur ia ka jinglong Samla ka jong ngi
Da kaba U pynshoi ban leh ia kiei kiei kiba ngim dei ban leh
Kum kaban ngop ha ki jingdih buiaid,kum ha kaba bam ia ki jingbam kiba ngim dei ban bam, bad kiwei kiwei
Hynrei Paralok wat mut ba ngim lah ban ialeh pyrshah ia ki jingpynshoi
To ngin pule Mathaios 26:41 "To sharai,to duwai ruh,ba phin ym leit shapoh ka jingpynshoi.Ka Mynsiem shisha ka smat hynrei ka doh ka tlot"
Paralok ka doh jong ngi ka kwah palat ban leh pop,hynrei ngi dei ban duwai khnang ba U Blei un ai ia ngi ka bor ba ngin jop ia ki jingpynshoi
Namar kaei kaba ngi leh mynta por Samla U Blei un bishar,ia ngi shaphang kine ki jingleh jong ngi (Eklesiastis 11:9)
Paralok baieit to ngin pynsngewbha ia U Blei haba ngi leh ia kiei kiei baroh
Paralok baieit hooid,kam long kaba sniew haba ialang Samla 
Hynrei ngi dei shuwa ban wad ia U Blei 
To ngin pule Mathaios 6:33 " Hynrei phin wad shuwa ia ka hima U Blei,bad ia ka hok jong u; te ia kine kiei kiei baroh yn sa ai lang tam ia phi"
Paralok baieit Ngi dei ban wad shuwa ia ka hima U Blei, ia kiei kiei baroh kiba ngi donkam U Blei yn sa ai ia ngi ha ka por ka jong U ym ha ka por ka jong ngi
Namar U Blei u don ka plan na bynta jong nga bad jong phi
To ngin pule Jingrwai sngewsynei 3:27 "Kaba bha ia U briew ba un kit ia ka lyngkor haba u dang Samla"
To ngin pule Salm 37:4" To pynsngewbha ia lade ruh ha U Trai;te un ai ha me ia ki jingkwah ka dohnud jong me"
Paralok baieit to ngin pynsngewbha ia U Blei bad U Blei un sa ai ia baroh ki jingkwah ka dohnud jong ngi
Ngim donkam ban Khuslai Hynrei ngi dei ban shaniah ha U Blei 
Paralok baieit lada phim pat Shem ia U Trai Kane ka por kaba phi pule ka lah ban long ka por ba phin Shem ia U Trai
To ngin pule Isaiah 55:6 "Wad phi ia U Trai katba dang lah ban Shem ia U ,to kyrpad ia U katba u dang hajan"
Paralok baieit to ngin wad noh ia U Trai
Ngin wad noh da ka dohnud ka Mynsiem baroh bad ngin Shem ia U
Ngin im Ka jingim Samla naduh mynta kaba pynsngewbha ia U Blei ym kaba pynsngewbha ia ka Pyrthei
Paralok baieit wat mut ba U Blei ym map shuh ia ki pop ki jong phi
Namar ba phi la leh ki pop kiba khraw
Hynrei kynmmaw Kane U Blei u ieit ia phi
Bad ba u ieit palat ia phi,ba u sa phah ia U Jisu Khrist ban wan shane sha pyrthei ban iap halor ka diengphna na bynta ki pop ki jong nga ki jong phi
Bad da ka snam U Jisu lah ban sait ia ki pop ki jong ngi
Mynta ngi donkam ban ngeit ia Kane
Ban ngeit ba U Jisu U iap halor ka diengphna bad ha ka Sngi kaba lai u mih na jingtep
U Jisu u im mynta
Hynrei ban bud ia U Jisu ngi hap ban ieh noh ia ki kam sngewbha pyrthei baroh ba ngi ki khun Samla ngi pynsngewbha ialade
To ngin pule Mathaios 7:13 -14" To bsut lyngba ia ka khyrdop bakhim;naba ka kylluid Ka khyrdop,kaba jlan ruh Ka lynti,kaba lam sha kaban jot;bun ruh kiba iabsut na kata; Hynrei ah kaba khim kata Ka khyrdop;ah kaba wit ruh kata ka lynti kaba lam sha kaban im! ah ki long khyndiat ruh kiba Shem ia kata!"
Paralok baieit to ngin bsut noh ia ka lynti kaba khim kaba mut ka lynti ba Ngi iaid bad U Jisu 
Hynrei ban long ki synran U Jisu ngi hap ban kynmmaw Mathaios 16:24 "Ynda kumta U Jisu u la ong ha ki synran jong U;Lada uno uno ruh u mon ban wan nadien jong nga,ai ba un len ia lade,bad un rah ia la ka diengphna bad un wan bud ia nga"
Para Samla to ngin ieh noh ki jingsngewbha pyrthei to ngin bah noh ka diengphna to ngin iaid noh ka lynti kaba khim bad ngin ioh ka jingimbymjukut ha bneng
Paralok phi lah ban long kiba riewspah hynrei ka spah ka jong phi kam lah ban ai jingsuk,jingkmen dei tang Lada phi ngeit bad pdiang ia U Jisu Khrist ha ka jingim ka jong phi phin ioh ka jingsuk ka jingkmen
Hato phim kwah ban ioh jingsuk jingkmen
Hato phim kwah ban ieh noh ia ki jingsngewbha pyrthei
Hato phim kwah ban poi sha bneng 
Lada nga bad phi ngi kwah, ngi hap kylla kaba mut 
U Jisu yn nym kylla
Hynrei nga bad phi ngi hap kylla
Ban ngi hap long kiba Kha Pat (Born again)
To ngin pule Ioannis 3:3 "U Jisu u la iathuh bad u la ong ha u,shisha shisha nga ong ha me,lymda kha Pat ia U Briew,um lah ban iohi ia ka hima U Blei"
Paralok baieit Lada ngi pdiang ia U Jisu Khrist kum U Trai bad U Nongpynim jong ngi ngin sa long ki jingthaw thymmai bad ngin sa ioh ka jingim bymjukut ha bneng
Bad ka jinglong Samla jong nga jong phi naduh mynta ka Sngi 
Kan long ka Jingim kaba pynsngewbha ia U Blei
Lada U Mynsiem U Blei U kren ia phi,ha Kane ka por ba phi pule sngap ia ka jingkren 
Wan kumba phi long
Wan sha ka kjat ka diengphna
Wan ban pdiang ia U Jisu Khrist kum U Trai bad U Nongpynim jong phi
To ngan duwai, phi lah ruh ban duwai lang ia Kane ka jingduwai, Trai Jisu, nga wan ban dem ha ki sla jat kiba khuid Ki jong me,ban ainguh ia me Trai ba me la ai ia nga sa Kane kawei ka lad ban kylla kaba mut, Ktah ia nga Trai,da ka snam jong me sait ia ki pop jong nga,pynthymmai ia nga,naduh mynta ka Sngi, ngan bud ia me bad nga pdiang ia me kum U Trai bad U Nongpynim jong nga. Nga duwai Ha ka kyrteng U Jisu Khrist "Amen"

U Blei yn kyrkhu ia phi 😇😇😇😇

~Gideon Rymbai.

Comments

  • No Comments
Log Out?

Are you sure you want to log out?