Category : Notes/work

Sub Category : N/A

Ia kane ka khubor la pynshongnongrim na ka Shithi U Paul U Apostol sha ki Philipi 4:6-7
ki ktien ba ong kumne"Wat Khuslai ia kaei kaei ruh;hynrei ha kaei kaei baroh da ka jingduwai bad da ka jingkyrpad lem bad ka jingainguh to phin pyntip ia ki jingpan jong phi sha U Blei.Te kata ka jingsuk U Blei,kaba palat ia ka jingshemphang baroh;kan ri jai jai kein ia ki dohnud jong phi bad ia ki jingmut jong phi ha U Khrist Jisu".
Bun ki briew ki Khuslai ki lynga khatam ha kane ka por ba don ka lockdown
Ki kmie ki kpa ki Khuslai na bynta ki khun
Ki khun ki Khuslai bym ioh leit shano shano ba hap shong beit ha iing
Hynrei ngim dei ban Khuslai
Ngi dei ban shaniah ha ka jingpyniaid U Blei
U Blei U tip kambha ia kiei kiei baroh
Lada ngi Khuslai ka mut ngim pat Pdiang ia U Blei
Namar ka ktien ka jong U Blei Philiphi 4:6 ka ong "Wat Khuslai ia kaei kaei ruh;hynrei ha kaei kaei baroh da ka jingduwai bad da ka jingkyrpad lem bad ka jingainguh to phin pyntip ia ki jingpan jong phi sha U Blei"
Paralok baieit wat lada ngi hap ban bam tang ka ja bad ka mluh,ka ja thep ha sha saw,ngim ju dei ban Khuslai ne ban sngew kyrduh namar lada ngi Pdiang ia U Blei
Ngi dei ban kynmmaw Salm 23:1  "U Trai U long U Nongaplangbrot jong nga,ngan ym kyrduh"
Paralok baieit nga ngeit skhem ba kane ka lockdown ka lah  ai jinghikai ia ngi shibun
To ngin phai noh sha U Blei 
To ngin ieh noh ia ki jingkwah Brai ka doh
Lada ngi don ki addictions kum kaba ngop ha ki jingdih pyn buaid,peit ia ki videos ki website kiba ngim dei ban peit
To ngin ieh noh ia kine ngin phai noh sha U Blei 
Kine ki kam sngewbha pyrthei bunsien ki pynkhuslai ia ngi kim lah ban ai jingsuk
To ngin pule Amos 5:14 "To wad ia kaba bha,te ym ia kaba sniew,ba phin ioh im;te kumta U Trai,U Blei ki paid,un long lem bad phi,kumba phi ong"
To ngin wad noh ia kaba bha
To ngin ieh noh ki kam sngewbha pyrthei
To ngin phai sha U Blei
Ngin wad ia U Blei da ka dohnud ka mynsiem baroh
To ngin pule Mathaios 5:6 "Suk kiba thngan bad kiba sliang ia ka hok;naba yn pyndap ia ki"
To ngin sliang ia ka hok ym ia ki kam sngewbha pyrthei
To ngin thrang bad sliang ia U Blei 
Bad da ka dohnud ka Mynsiem baroh, bad ngin Shem ia U
Bad ngin ioh mad ka jingsuk,jingkmen bad ngin nym don shuh ki jingkhuslai
Paralok baieit, U Blei u ieit palat ia nga bad ia phi
Wat Lada ngi la leh bun ki pop U Blei U ieit
Bad dei ka jingieit ka jong U ba U sa phah ia U Khun Jong U ,U Jisu Khrist ban iap halor ka diengphna
Paralok baieit, halor ka diengphna U Jisu u la bah ia ki pop ki jingpang ka jingkhuslai
Bad ha ka sngi kaba lai, u la mih na jingtep,U la jop ia ka jingiap
U Jisu uba nga ngeit U im
Te mynta lada ngi pdiang ia U Jisu Khrist 
Ngin ioh ka jingsuk,jingkmen kaba ngim pat ju ioh mad, bad ngin nym Khuslai shuh
Hato phim kwah ban long ki jingthaw thymmai ha U Khrist
Hato phim kwah ban ioh ka dohnud ba dap da ka jingsuk, jingieit, jingkmen ym shuh da ki jingkhuslai
Lada U Mynsiem U Blei ,U Kren ia phi ha kapor ba phi pule ia Kane sngap ia ka jingkren jong U
Wan sha Ka Kjat ka diengphna 
Wan kumba phi long
Wan ban pdiang ia U Jisu Khrist kum U Trai bad U Nongpynim 
Bad phin sa long ki jingthaw thymmai ha U Khrist
Da ka snam U Khrist yn sait ia baroh ki pop jong phi
Bad phin ioh ka jingimbymjukut ha bneng
Bad kata ka jingsuk U Blei ,kaba palat ia ka jingshemphang baroh, kan ri jai jai kein ia ki dohnud jong phi, bad ia ki jingmut jong phi ha U Khrist Jisu (Philipi 4:7)
To ngan duwai, Trai Jisu nga wan ban dem ha ki sla jat kiba khuid ki jong me,ban ainguh ia me Trai ba me la  ai ia ngi sa Kane kawei ka lad ban kylla kaba mut,Trai ktah ia baroh kiba pule ia Kane ka khubor, sait da ka snam ka jong me ia baroh ki pop ki jong ngi,ba ngin lieh kum ka ior,Trai ngin bud ia me naduh mynta, Trai aibor ia ngi ba ngin lah ban jop ia ki jingpynshoi aibor Trai ba ngin ieit ia baroh, Trai ngi pdiang ia me Kum U Trai bad U Nongpynim jong ngi,Nga duwai ha kyrteng U Jisu Khrist "Amen".

U Blei yn kyrkhu ia baroh kiba pule ia Kane ka khubor 😇😇😇

~Gideon Rymbai