Category : Poems

Sub Category : N/A

Jab mein pehli bar school gai thi,
Tb jo pure samay yahi soch rahe the ki,
Kahi meri beti ro to nahi rahi hogi,
Dar to nahi rahi hogi,ye soch rahe the,
Wo mere pyare papa hai....
Mujhe pehli bar school apni cycle par,age bitha kar le gay the,or jinhone vo age ki sit specially mere liye lagvay the,
Wo mere papa hai...
Jinhone mujhe school 1saal late ye kehkar bheja ki,
Abhi to choti hai,
Is bat ke piche jiska pyar chupa tha,wo mere pyare papa hai....
Jo hmesha phone lagate hi,
Ye puchte hai ki chota kaha hai,
Mujhse bat karke jinka mn khush ho jata hai,
Wo mere pyare papa hai...
Mere unse naraz hone par,jo sabko ye bta dete hai ki,
Mai unse bat ni kar rhi,
Jbtk mai unse bat na kru udas bethe rhte hai,
Wo mere pyare papa hai...
Mere sirf ek bar ye kehne par ki,
Papa mujhe kapde lene hai,
Turant ha  kar dete,or dukan sath lekr jate,
Wo mere pyare papa hai...
Meri har galti ko maf karne vale,
Mere galti karne par bhi jo mujhe kabhi ni dat te,
Wo mere pyare papa hai...
Har waqt meri parvah karne vale,
Mujhe is duniya mein sbse zada pyar krne vale,
Wo mere pyare papa hai...
Aap mere liye kya ho,
Ye btane ke liye shabd hi kam pad jayenge,
Bs itna kehna hai,is duniya mein jisse mein sbse zada pyar karti hu,
Wo mere pyare papa hai...