ହେ ମନ
Read Count : 92
Category : Photo
Sub Category : N/A
ହେ ମନ
ଶ୍ରୀ ଲକ୍ଷ୍ମଣ କୁମାର ବେହେରା (ଯତି)
ଏ ମାୟା ସଂସାରୁ ମନ
ନେବୁ ତୁହି କିସରେ,
ଗର୍ବ ଅଭିମାନ କରି
ରଖିବୁ କି ଯଶରେ ?
ଯାହାକୁ ତୁ ଭାବିଅଛୁ
ଆପଣାର ବୋଲିରେ,
ପର କରି ଚାଲିଯିବ
ତତେ ସିଏ କାଲିରେ ।
ଛ' ଖଣ୍ଡ କାଠ ତୋ ପାଇଁ
ହେବ ଦିନେ ଲୋଡାରେ,
ଛୁଇଁବେନି ତତେ କେହି
ବୋଲୁଥିବେ ମଡାରେ ।
ଦୁର୍ଲଭ ଜୀବନ ଯେବେ
କରିଯା' ଧରମରେ,
ତୋ ସୁନ୍ଦର ଯଉବନ
ହେବ ଦିନେ ଲୀନରେ ।
ମଦ ମାଉଁସ ଆହାର
କରୁଛୁ ତୁ ଯେବେରେ,
ଆପଣାର ଦିବ୍ୟଜ୍ଞାନ
ନାଶିବୁ ତୁ ସେବେରେ ।
ପର ନାରୀ ସାଥେ ଯେବେ
ବଢେ ତୋର ରତିରେ,
ମିଳିବନି ତତେ କେବେ
ଦେବଲୋକ ଶାନ୍ତିରେ ।
ଦେଶ ସେବା କଲେ ନିଶ୍ଚେଁ
ରଖିଯିବୁ ଯଶରେ,
ଗାଉଥିବେ ଦେଶବାସୀ
ତୋ' ନାଆଁ ହରଷରେ ।
ପଶୁପକ୍ଷୀ ବଧ କରି
ପାପୀ ବୋଲାଇଲୁ ରେ,
ପର ନିନ୍ଦା ପାଞ୍ଚି ପାଞ୍ଚି
ନିଜକୁ ନାଶିଲୁ ରେ ।
ଧର୍ମ ସେବା କଲେ ସିନା
ଲଭିବୁ ଶ୍ରୀହରି ରେ,
ଏ ମୋହ ମାୟା ସଂସାରୁ
ହୋଇବୁ ତୁ ପାରିରେ ।
କବି କୁଟୀର
ଦଣ୍ଡାସିଂହା, ବାରକୋଟ
ଦେବଗଡ (ଓଡିଶା)
ମୋ-09668242720
